Ko te Kaunihera o Tāmaki Makaurau e tautoko ana i Te Wiki o te Reo Māori

Ka toko ake Te Wiki o te Reo Māori mō te tau 2021 ā tērā wiki.

Ahakoa he nui ngā pēhitanga a te mate Kōwhiti-19 i pā ki ngā whakaritenga a te Kaunihera o Tāmaki Makaurau i tēnei tau, he nui tonu ngā tikanga hei mahi māu, hei whakapakari i tō reo.

“Ko tō tātou tuakiri Māori te take e rerekē ai a Tāmaki Makaurau i ētahi atu i te ao – ka tairanga ko te tōnuitanga Māori e whai hua ai te katoa o Tāmaki Makaurau. He mea whakatenatena te rongo i te reo Māori e kōrerohia ana huri noa i ā tātou mahi pāpāho katoa, ā ka tohu mai kua noho ko te reo hei kaupapa nui i tō tatou ao i Tāmaki Makaurau” hei tā Kaikaunihera Alf Filipaina, Heamana o te Komiti Papa Rēhia, Mahi Toi, Hāpori me ngā Kaupapa Whakahaere.

Ahakoa kei raro tonu tātou i te rāhui, he maha tonu ngā mea hei whakawhanake i ō tatou mōhioranga e pā ana ki te reo Māori. E aki ana au i te katoa ki te whakamātau i tētahi o ngā mahi kua whakarārangi mai i raro iho ā te wiki e tū mai, tae noa ki te paunga o Mahuru Māori.

Te Wā Tuku Reo Māori

Ko Te Wā Tuku Reo Māori ka hora ā te poupoutanga o te Tūrei 14 o Mahuru.

I raro i te maru o Te Taura Whiri i te Reo Māori he kawenga tēnei e āhei ai te tūhono a te iwi o Tāmaki Makaurau me te hia miriona atu o te iwi puta noa i Aotearoa whānui e whakatairanga ana i te reo i te wā kotahi.

He nui tonu nga āheinga e wātea ai ki te kōrero, pānui, waiata, pātuhi, īmēra, tuhituhi, ako me te whakarongo kau ki te reo Māori.

He aha koe te kore ai e āta whakaaro ki ngā mea ka taea e koe i roto i tō mirumiru, kātahi ka rēhita kia whai taima ai koe. E tohe i ō hoa, hoamahi me te whānau kia mahi pērā anō hoki.

Nau Mai – Takinga Ingoa Wāhi he whitiāhua

He tino wero te whakahuahua tika i te reo Māori.

Puta noa i te wiki, tērā he rārangi whitiāhua ka horahia anōtia. Ka whakamātauria koe ki ngā ingoa ā-wāhi i Tāmaki Makaurau nei me tōna whakahua tōtika.

Whakamātauria i Auckland Council YouTube channel, Facebook page i Instagram rānei e rongo ai koe i ētahi o ngā kanohi kitea o Tāmaki Makaurau e kōrero ana mō ngā wāhi e manawanui ana rātou. Ata tirohia i #ReoMaoriAKL.

Mahuru Māori me Ngā Pātaka Kōrero o Tāmaki Makaurau

Ka arotahi atu a Mahuru Māori ki te reo Māori mā te whakauru i te reo ki ngā mahi katoa o te rā. Ko te wero ia, kia kaha te whakamahi i te reo Māori mō te marama katoa o Mahuru. Ahakoa tōna iti, he mōhioranga reo Māori tō te katoa o tatou, nā reira te whakahau kia ako tātou katoa e ētahi atu kōrero.

Ahakoa e kati ana ngā whare pukapuka i raro i te Rāhui Pae 4, he nui tonu ngā mea hei titiro mai i te kāinga. Haere ki te whārangi ā-ipurangi Mahuru Māori i te paetukutuku whare pukapuka kia kite ake he aha kei reira māu me tō whanau.

He pōwhiri hoki tēnei ki te rahi o Tāmaki Makaurau kia toko ake kia kite i te kohikohinga taonga tuku iho ā te rohe i a Kura e mōhiotia ai ngā panonitanga me ngā arohanga tupu kē o te reo. Kei roto i te kohikohinga nei ētahi o ngā tauira tuhinga tawhito rawa o te reo Māori puta noa i te motu.

E ako i ngā taiao katoa e hōrapa nei i Tāmaki Makaurau

E ngana ana te tira Ratonga Papa Rēhia a te Kaunihera o Tāmaki Makaurau ki te āwhina i te iwi o Tāmaki Makaurau ki te ako reo e hāngai ana ki ētahi o ngā taiao o Tāmaki Makaurau. Kei te whāia e rātou mā te whitiāhua ā-ipurangi i runga i a Auckland Council Parks Facebook page. Hono atu ki ngā āhipa papa rēhia e a rāua e toro ana ki te ngahere me te pāmu.

Me te rahi o ngā tāpaetanga a Te Kaunihera o Tāmaki Makaurau i te Wiki o te Reo Māori, meinga a 2021 hei tau i whai koe i te tai o te tini me te mano, i tū māia mai koe ki te whakamahi i te reo Māori i ia rā.

Te Wiki o te Reo Māori (Māori Language Week) for 2021.

While COVID-19 has had a big impact on plans for this year, Te Kaunihera o Tāmaki Makaurau (Auckland Council) still has some great ways for you to be involved and strengthen your reo (language).

“Our Māori identity is Tāmaki Makaurau’s point of difference in the world – it advances prosperity for Māori and benefits all Aucklanders. Hearing te reo Māori being spoken across our mainstream media is such an encouragement and shows that it’s becoming such an important part in our lives here in Tāmaki Makaurau,” says Councillor Alf Filipaina, Chair of Auckland Council’s Parks, Arts, Community and Events Committee.

“Although we are still in lockdown, there are plenty of ways that we can grow in our knowledge and practice of te reo Māori. I encourage everyone to try at least one of the offerings suggested below this coming week and on into the rest of September.”

Te Wā Tuku Reo Māori (The Māori Language Moment)

Te Wā Tuku Reo Māori is happening at midday on Tūrei, 14 o Mahuru (Tuesday 14 September).

Hosted by Te Taura Whiri i te Reo Māori (The Māori Language Commission), this is a great opportunity for Aucklanders of all ages to join a million other New Zealanders across Aotearoa to celebrate te reo at the same time.

There are plenty of opportunities to participate, from speaking, reading, singing, texting, emailing, writing, learning or listening to te reo Māori.

Why not think about what you can do in your bubble, then sign up and take part. Challenge your friends, colleagues and whānau to do the same.

Nau Mai – Place Names videos

Getting reo Māori pronunciation right can be a challenge.

Over the course of the week a series of videos will be re-released. They will introduce you to place names in Tāmaki Makaurau using correct pronunciation.

Check them out on the Auckland Council YouTube channel, Facebook page or Instagram and hear some well-known Aucklanders talk about places that are important to them. Just look for #ReoMaoriAKL.

Mahuru Māori with Auckland Council Libraries

Mahuru Māori puts the spotlight on te reo Māori by using it in everyday situations. The challenge is to consciously use as much te reo Māori as possible throughout the whole month of September. Regardless of level, we all know some te reo Māori, so the push is for us all to learn a bit more.

While physical libraries are closed in Alert Level 4, there is plenty to explore from home. Visit the Mahuru Māori webpage on the libraries website to discover what is available for yourself and your family.

Aucklanders are also encouraged to view the region’s heritage collections in Kura to get an understanding of how te reo Māori has changed and evolved. The collections hold taonga tuku iho (heirlooms) and include some of the earliest written examples of te reo Māori in the country.

Learn the environments that make up Tāmaki Makaurau parks

The Auckland Council Parks Services team is helping Aucklanders learn relevant reo for some of Auckland’s environments. They are doing that using online videos on the Auckland Council Parks Facebook page. Join rangers as they explore the ngahere (forest) and pāmu (farm).

With so much on offer from Te Kaunihera o Tāmaki Makaurau during Te Wiki o te Reo Māori, make 2021 the year you joined the growing reo Māori movement and built your up confidence to use the reo every day.