E koa ana a Te Kaunihera o Tāmaki Makaurau me te hoa ā-iwi, me Ngāti Whātua Ōrākei ki te pānui i te tūnga mai anō o te Taiopenga o Matariki i tēnei marama (te 21 o Hune ki te 16 o Hūrae).
Ko tā te taiopenga, e toru me te hāwhe wiki nei te roa, he whakangahau, he whakaako, he whakamīharo hoki i ngā tāngata o Tāmaki Makaurau, i ngā manuhiri ahakoa te pakeke, ki ngā kaupapa o tua atu i te kotahi rau, puta noa i te rohe, e tūhono ana ki te taiopenga. Hei tā te Kahika o Tāmaki Makaurau, hei tā Phil Goff, ka nui te whāia o te taiopenga o tēnei tau.
Hei tāna, “He mea whakanui mai rā anō te Taiopenga o Matariki, te tau hou Māori, kia whai wā ai i te taha o te whānau me ngā kaingākautanga, kia maumahara ai hoki ki ērā o mua.”
“Ka rawe tā mātou mahi tahi me Ngāti Whātua Ōrākei ki te whakatū i tēnei taiopenga, ka mutu, he pai rawa atu tō tātou hararei tūmatanui e eke ai tā tātou whakanui i tēnei wā whakahirahira o te tau ki tōna taumata.”
E whakaae ana a Marama Royal, te kaihautū o Ngāti Whātua Ōrākei, i tana kī atu, ko te mōhio ki te kaupapa o Matariki te aronga matua ki ngā tāngata katoa e noho ana i Tāmaki Makaurau.
“Ko Matariki tētahi wā e kotahi ai tātou kia whakamatua, kia huritao hoki mō te tau kua pahure, kia mihia hoki ō tātou kaingākautanga kua riro. He wā hoki ki te whakarite mō te tau kei mua i te aroaro, nō reira, he mea whakahirahira te noho i te taha o te whānau me ngā hoa ki te wānanga, ki te taki kōrero hoki.
"Nā te hararei tūmatanui hou nei i whakaaro ai mātou ki te hiranga o te whakatū i te taiopenga i runga i ā tātou tikanga me ngā taonga tuku iho, ā, koirā te take ka whakarewahia te taiopenga i tēnei tau mā tētahi umu kohukohu whetū
Hikaia ngā ahi o Matariki
Hikaia ngā ahi o Te Kahu Tōpuni o Tuperiri”
He mea whakahaere te umu kohukohu whetū i te wā o Matariki, i te pō o Tangaroa, e ai ki te maramataka Māori, otiia, i te wā ka kitea a Matariki i te rangi. Ka whai wāhi atu ko te whāngai i ngā whetū o Matariki ki te hautapu nō tētahi umu, nō tētahi hāngī rānei, kua oti te whakarite i te pō o mua.
Ka tū te Umu Kohukohu Whetū a Ngāti Whātua Ōrākei i te atapō o Tūrei te 21 o Hune ki Takaparawhau.
“Ko te tikanga tawhito nei, ko te umu kohukohu whetū, he take i whakanuia rā e ngā whānau, e ngā hapū, e ngā iwi hoki puta noa i Aotearoa, engari ka ngaro haere te tikanga nei i te upoko o te tekau tau 1900. Ki ō mātou whakaaro, he take whakahirahira te whakarauora anō i tēnei tikanga. E hīkaka ana mātou ki te manaaki i tēnei kaupapa, i runga i tō tātou whenua, hei tohu i te aranga ake o Matariki, otiia, i te tau hou Māori,” te kī a Marama.
Ngā Kaupapa ā-Pou
E hia rau ngā kaupapa e whakatūria ana i raro i te Taiopenga o Matariki i tēnei tau, engari e rima rawa ngā kaupapa ā-pou hei toko ake i aua kaupapa rā. Ko te tuatahi, ko te Umu Kohukohu Whetū, ā, ko ērā atu kaupapa e whā, ko te Rā Manu Aute; ko Matariki Mīmiro; ko Te Taumata Kapa; ko Te Korakora hoki.
Ko Te Rā Manu Aute (te 25 o Hune) tētahi o ngā kaupapa makau ki ngā whānau. He mea whakamahi te manu aute me te manu tukutuku hei tuku karere ki ngā rangi, i waenga hoki i ngā iwi me ngā hapū, ka mutu, ko tā Te Rā Manu Atue, he whakanui i taua tikanga. Kia kitea ngā momo hanga me ngā momo rahi katoa o ngā momo manu tukutuku e whakakapi ana i te rangi o runga o Tāmaki Makaurau, whakapiri mai hoki ki te waihanga i tāu anō manu tukutuku, i tāu anō manu aute rānei. Ka tau te kaupapa o tēnei tau ki Takaparawhau i Ōrākei.
Ko Matariki Mīmiro (Paraire te 1, te 8 me te 15 o Hūrae) tētahi o ngā mahi ngātahi i te taha o Stardome e whakahiamo ana, ā, ka tū i ia Paraire i te wā o te taiopenga, i a Hūrae. Mā tēnei kaupapa e kawe ngā whakaminenga mā tētahi haerenga mariko ki te kāhui o Matariki, ā, mā reira hoki e raranga te wheako ā-whakaata me te puoro inamata e whakatangihia ana e ngā kaiwhakatangi taonga puoro o te wā. I a Paraire te 1 o Hūrae, ko AJA; i a Paraire te 8 o Hūrae, ko Riki Gooch; i a Paraire te 15 o Hūrae, ko Mara TK.
I Te Taumata Kapa Haka ka tū ngā whakaaturanga mataora o te kapa haka e wana nei i ngā wā o te tina, i ngā rā o ngā wikēne (te 25-26 o Hune, te 2-3, te 9-10, me te 16 o Hūrae) i te wā o te taiopenga. Ka waiata, ka haka ngā kapa haka nō tēnā wāhi, nō tēnā wāhi o Tāmaki Makaurau e rongo ai koutou i te pārekareka, nā ō rātou pūmanawa whakamīharo, nā ō rātou pūmanawa whakaihiihi hoki, i ngā mōro huri noa i te rohe.
Ko te kaupapa ā-pou whakamutunga, ko Te Korakora (te 16 o Hūrae), koia rā te wāhanga matua ā-puoro o Te Taiopenga o Matariki. Ko Te Korakora hoki te kaupapa whakamutunga o Te Taiopenga o Matariki 2022. Mā ngā tipua o te rohe, mā Kings, mā AJA, mā La Coco, mā DJ Grantis hoki koutou e whakamahana, e whakakanikani hoki i a koutou e tatari ana kia tū te kaiwhakangahau matua, ka pānuitia ākuanei, māna rā koe e whakahiamo - ka pau katoa te pō ki ngā mahi whakangahau, ka mutu, mā te tangata rongonui o Koriata (Tik Tok), mā Maaka Pohatu e whakahaere. E tika ana kia tuhia ki tō rātaka, i tēnei wā tonu nei, tēnei kaupapa, ka tū ki Wynyard Quarter.
Mai anō i te tau 2000, kua pārekareka ngā tāngata o Tāmaki Makaurau i te taiopenga o Matariki, ka mutu, koinei te tau tuawhitu e noho tahi nei a Te Kaunihera o Tāmaki Makaurau me ngā iwi o te rohe ki te whakahaere i ngā kaupapa.
Hei tā te Kiri Kaunihera o Tāmaki Makaurau, hei tā Alf Filipaina, kāore e kore, ka noho ko tō tēnei tau nei hei taumata tiketike katoa mō ērā kaupapa kua tū ā-mohoa nei.
“Ka tū ngā kaupapa ā-pou tonu rā hei kaupapa whakamīharo kia whāia e te tangata. Heoi anō, rapua hoki ngā kaupapa iti ake i ō koutou anō rohe pātata. Ka nui ngā kaupapa hei whakapārekareka i te tangata i tēnei tau o Matariki. Nau mai, haere mai! Mānawatia a Matariki!
E kitea ai he taipitopito, huri mai ki matarikifestival.org.nz
Hikaia ngā ahi o Matariki
Hikaia ngā ahi o Te Kahu Tōpuni o Tuperiri
Te Kaunihera o Tāmaki Makaurau / Auckland Council and iwi partner Ngāti Whātua Ōrākei are pleased to announce the return of Matariki Festival this month (21 June to 16 July).
The three-and-a-half week-long festival promises to entertain, educate, and enthral Aucklanders and visitors of all ages with more than a hundred events connected to the festival across the region.
Auckland Mayor Phil Goff says interest is high for this year’s festival.
“Matariki Festival, the Māori New Year, is traditionally marked by spending time with family and loved ones and remembering those who came before,” he says.
“It’s great to have Ngāti Whātua Ōrākei partnering with us to deliver the festival and fantastic that we now have a public holiday so we can all make the most of this special time of the year.”
Ngāti Whātua Ōrākei chairperson Marama Royal agrees, saying understanding the kaupapa (purpose) of Matariki is key for all living in Tāmaki Makaurau.
“Matariki is a time for us all to come together to pause and reflect on the past year, and to acknowledge our loved ones who have passed on. It is also a time to prepare for the year ahead so being together with whānau and friends to wānanga and talk amongst each other is important at this time.
“With the new public holiday this year we felt it was important to have the festival grounded in our tikanga and taonga tuku iho which is why this year we are launching the festival with an Umu Kohukohu Whetū
Hikaia ngā ahi o Matariki
Hikaia ngā ahi o Te Kahu Tōpuni o Tuperiri”
Umu Kohukohu Whetū are performed during the pō tangaroa of the Maramataka Māori during the Matariki season, and when Matariki is visible in the sky. It involves a ceremonial offering of food to the stars of Matariki from an umu or hāngī, that has been prepared the night before.
The Ngāti Whātua Ōrākei Umu Kohukohu Whetū will take place in the early morning of Tuesday 21 June at Takaparawhau / Bastion Point.
“The traditional ceremony that is an Umu Kohukohu Whetū was once celebrated throughout Aotearoa amongst whānau, hapū and iwi, but the practice died out in the early 1900s. We felt it was important to see a resurgence of this important practice. We look forward to hosting this event on our whenua to signal Matariki and te tau hou Māori,” says Marama.
Pou Events
This year’s Matariki Festival will have hundreds of events across Tāmaki Makaurau but will be held up by five pou (signature) events. The first is Umu Kohukohu Whetū, while the other four are Manu Aute Kite Day; Matariki on the Move; Te Taumata Kapa and Te Korakora.
Manu Aute Kite Day (25 June) is a favourite with whānau. Manu aute and manu tukutuku (kites) were used to send messages to the heavens and between iwi (tribe) and hapū (subtribe) and Manu Aute Kite Day honours that tradition. See kites of all shapes and sizes filling the skies above Tāmaki Makaurau, as well as join in to make and fly your own manu tukutuku or manu aute. This year’s event is being held at Takaparawhau, Ōrākei.
Matariki on the Move (Friday 1, 8 and 15 July) is an exciting collaboration with Stardome and will occur each Friday during July of the festival. It will take audiences on a virtual journey to the Matariki constellation and will weave the visual experience with live music performed by contemporary Māori musicians. Friday 1 July – AJA, Friday 8 July -Riki Gooch, Friday 15 July- Mara TK.
Te Taumata Kapa Haka will be delivering live and dynamic kapa haka performances at lunchtimes on Weekend days (25 - 26 June, ,2-3 9-10, 16 July) during the festival. Kapa haka groups from around Tāmaki Makaurau will share waiata (song) and haka, giving you an opportunity to enjoy their incredible and awe-inspiring talents in malls around the region.
The final pou event is Te Korakora (16 July), the major music component of the Matariki Festival. Te Korakora is also the concluding event of the 2022 Matariki Festival. Local legends Kings, AJA, La Coco, DJ Grantis will get you warmed up and dancing in anticipation for an exciting headline act that will be announced shortly – it will be a jam packed evening of festivities and hosted by Tik Tok sensation Maaka Pohatu. This event at Wynyard Quarter is one to mark in your diaries now.
Matariki festival has been delighting Aucklanders since 2000, with this year being the seventh that Council has partnered with a local iwi to deliver events.
Auckland Councillor Alf Filipaina says it promises to be the best one yet.
“The pou events themselves are going to be amazing events to get along to. But look out for smaller events in your local community too. There is going to be plenty to enjoy this Matariki season. Nau mai, haere mai! Mānawatia a Matariki! / Welcome, come! Celebrate Matariki!”
For details, head to matarikifestival.org.nz
Hikaia ngā ahi o Matariki
Hikaia ngā ahi o Te Kahu Tōpuni o Tuperiri
(Light the ceremonial fires of Matariki
Light the ceremonial fires of Te Kahu Tōpuni o Tuperiri)
